పవర్ స్టార్ పవన్ కళ్యాణ్ నటిస్తున్న “They Call Him OG” సినిమా ట్రైలర్ కోసం అభిమానులు ఆత్రుతగా ఎదురు చూస్తున్నారు. ఈలోగా సోషల్ మీడియాలో ఒక వీడియో వైరల్ అవుతూ “OG అధికారిక ట్రైలర్ వచ్చేసింది” అంటూ షేర్ అవుతోంది. ఈ వీడియో ఇప్పటికే యూట్యూబ్ లో లక్షల్లో వ్యూస్ సాధిస్తోంది.
అయితే ఈ వీడియో నిజమైన ట్రైలర్ కాదు. సినిమా టీమ్ సమాచారం ప్రకారం, ఇది గతంలో ఆడియో లాంచ్ ఈవెంట్ లో చూపించిన ఒక క్లిప్ ను ఎడిట్ చేసి ట్రైలర్ లా రిలీజ్ చేశారు. అందువల్ల ప్రస్తుతం సోషల్ మీడియాలో తిరుగుతున్న “OG ట్రైలర్” అసలు అధికారికది కాదు.
ఫ్యాన్స్ లో కన్ఫ్యూజన్
ట్రైలర్ పై అంచనాలు ఎక్కువగా ఉండటంతో ఫ్యాన్స్ ఈ వీడియోని నిజమే అనుకుని బాగా షేర్ చేస్తున్నారు. అయితే నిజం తెలిసిన తర్వాత కొందరు అభిమానులు అసహనం వ్యక్తం చేస్తూ “మేకర్స్ క్లారిటీ ఇవ్వాలి, ఫేక్ వీడియోల వల్ల కన్ఫ్యూజన్ పెరుగుతోంది” అని కామెంట్స్ చేస్తున్నారు.
అధికారిక ట్రైలర్ ఎప్పుడు?
మూవీ టీమ్ ప్రకారం, అసలు OG అధికారిక ట్రైలర్ త్వరలోనే రిలీజ్ చేయబడనుంది. ప్రీ రిలీజ్ ఈవెంట్ లో చూపించిన చిన్న క్లిప్ కంటే పూర్తి ట్రైలర్ మాస్ + క్లాస్ ఆడియెన్స్ కు ట్రీట్ అవుతుందని టీమ్ చెబుతోంది. అప్పటివరకు సోషల్ మీడియాలో వస్తున్న లీక్స్, ఎడిటెడ్ వీడియోలు ఫ్యాన్స్ ని మాత్రమే మభ్యపెడతాయి.
సోషల్ మీడియాలో ఏ వీడియో అయినా షేర్ చేసేముందు అది అధికారిక ఛానల్ నుంచే వచ్చిందా అని చెక్ చేసుకోవాలని సినీ విశ్లేషకులు సూచిస్తున్నారు.
