పవర్ స్టార్ పవన్ కళ్యాణ్ హీరోగా సుజీత్ దర్శకత్వంలో తెరకెక్కుతున్న భారీ యాక్షన్ ఎంటర్టైనర్ OG సినిమా పై అభిమానుల్లో భారీ అంచనాలు నెలకొన్నాయి. ఈ నెల 25న థియేటర్లలో గ్రాండ్ రిలీజ్ అవుతుండగా, ప్రమోషన్స్కు మేకర్స్ పూర్తి వేగం పెంచారు.
హైదరాబాద్ లో ప్రీ రిలీజ్ ఈవెంట్
ఈ సినిమా ప్రీ రిలీజ్ ఈవెంట్ను సెప్టెంబర్ 21న హైదరాబాద్ యూసఫ్ గూడా పోలీస్ గ్రౌండ్స్ లో భారీ ఎత్తున నిర్వహించేందుకు ప్లాన్ చేశారు. ఈ వేడుకకు పవన్ కళ్యాణ్తో పాటు బాలీవుడ్ నటుడు ఇమ్రాన్ హస్మి, టాలీవుడ్ డైరెక్టర్ త్రివిక్రమ్ కూడా హాజరుకానున్నారు. మేకర్స్ ఈ వేడుకను కనివిని ఎరుగని రీతిలో చేసేందుకు అన్ని ఏర్పాట్లు చేస్తున్నారు.
ఆంధ్రాలో ప్రత్యేక ఈవెంట్?
హైదరాబాద్ తర్వాత, ఆంధ్రాలో కూడా మరో ప్రీ రిలీజ్ ఈవెంట్ ప్లాన్ చేస్తున్నారు. ఈ వేడుకను విజయవాడ లేదా విశాఖపట్నంలో నిర్వహించే అవకాశం ఉంది. ప్రస్తుతం అనుమతులు రావాల్సి ఉంది.
OG పై అంచనాలు
‘హరిహర వీరమల్లు’ నిరాశపరిచిన తర్వాత, OG పై పవన్ ఫ్యాన్స్ చాలా పెద్ద అంచనాలు పెట్టుకున్నారు. థమన్ కంపోజ్ చేసిన సంగీతం ఇప్పటికే సెన్సేషన్ అవుతోంది. తెల్లవారుజామునే షోలు వేసేందుకు థియేటర్లతో ఒప్పందాలు చేస్తున్నారు. OG తో ఇండస్ట్రీ రికార్డులు బద్దలు కొట్టాలన్నది పవర్ స్టార్ అభిమానుల కల.
తాజా టాలీవుడ్ అప్డేట్స్ కోసం Telugu Vaadi TV ను ఫాలో అవ్వండి!
