భారతీయ సినీ రంగంలో అత్యున్నత గౌరవం దాదాసాహెబ్ ఫాల్కే అవార్డు 2025 సంవత్సరానికి ప్రముఖ మలయాళ సూపర్‌స్టార్ మోహన్‌లాల్ కు ప్రకటించడం సినీప్రపంచంలో సంచలనం రేపింది. ఆయన నటన, కృషి, అంకితభావం ఈ అవార్డు రూపంలో గుర్తింపునందుకుంది.
మోహన్‌లాల్ 1978లో వచ్చిన ‘తిరనోట్టం’ సినిమాతో సినీప్రవేశం చేశారు. అప్పటి నుండి తన సహజమైన నటన, విభిన్నమైన పాత్రలతో ప్రేక్షకులను అలరిస్తూనే ఉన్నారు. ముఖ్యంగా 1986లో ఒకే ఏడాదిలో 34 సినిమాలు చేయడం ఆయన కెరీర్ లో ఒక అసాధారణ ఘనతగా నిలిచిపోయింది.
కేవలం నటుడిగానే కాకుండా, ఆయన నిర్మాతగా, గాయకుడిగా కూడా గుర్తింపు పొందారు. ఆయన వాయిస్‌లో పాడిన పాటలు, ప్రొడక్షన్‌లో చేసిన కృషి మలయాళ పరిశ్రమలో ప్రత్యేక స్థానాన్ని సంపాదించాయి.
అవార్డుల పరంపర:
- 2001లో పద్మశ్రీ
- 2019లో పద్మ భూషణ్
- 2 సార్లు జాతీయ ఉత్తమ నటుడు అవార్డు
- 9 సార్లు కేరళ రాష్ట్ర ఉత్తమ నటుడు అవార్డు
- 9 ఫిల్మ్ ఫేర్ అవార్డులు
మోహన్‌లాల్ కెరీర్‌లో అనేక బ్లాక్‌బస్టర్ సినిమాలు, ప్రజల మనసుల్లో నిలిచిపోయే పాత్రలు ఉన్నాయి. ఆయన చేసిన వైవిధ్యమైన రోల్స్ మలయాళ పరిశ్రమను మాత్రమే కాకుండా భారతీయ సినిమాను కూడా గర్వపడేలా చేశాయి.
ప్రస్తుతం ఆయన దాదాసాహెబ్ ఫాల్కే అవార్డు అందుకోవడం అభిమానుల్లో అపార ఆనందాన్ని కలిగించింది. సోషల్ మీడియాలో కూడా ఈ వార్త ట్రెండింగ్ అవుతూ, ఆయన నటనా ప్రతిభకు అన్ని వర్గాల నుండి ప్రశంసలు వెల్లువెత్తుతున్నాయి.
ఇక మరిన్ని బ్రేకింగ్ అప్‌డేట్స్ కోసం చదవండి: మిరాయ్ మూవీ బాక్సాఫీస్ వార్త.
